Эгер Европа биримдиги Киев менен интеграцияланууну кечеңдете берсе, анда украин эли биримдикке кошулуу ишенимин жоготуп коюшу мүмкүн. Бул тууралуу Украина президенти Петр Порошенко билдирди.

Узакка созулган сүйлөшүүлөрдөн кийин Еаробиримдик өткөн айда Украина жарандары үчүн визалык режимди алууга макул болгон, бирок ал чечим азырынча күчүнө кире элек.

«Мындан ары создуктура берүү адилетсиз болуп калат, анткени Украина бул үчүн көптөгөн кыйынчылыктарды башынан өткөрдү. Интеграция жараяны создуктурула берсе, украиналыктардын Европага болгон ишеними жоголот. Азыр Орусия дал ушуну каалап жатат», — деди Порошенко Украинадагы чет өлкөлүк элчилер менен жолугушкан маалда. Ал ошондой эле ЕБ менен Украинанын ассоциациясы тууралуу макулдашууну ратификациялоо зарылдыгын кошумчалады.

Маселени чечүү создуктурулуп жаткандыгына байланыштуу Евробиримдик Украинага жардам берүү тууралуу убадаларын аткарууну кечеңдетип жатат деген сын-пикирлер айтылып келет.