Казакстандын Сирияга жөнөткөн 500 тонна жүгү Тартус портунда сирия бийлигинин колуна тийди. Бул тууралуу жергиликтүү агенттиктер кабарлашууда.

Казакстандын гуманитардык жардамы Сириядагы орусиялык аскерлерге жеткирилди. Ун, эт консервалары, күрүч жана чай сыяктуу азык-түлүктөр Алеппо, Латакия жана Тартус провинцияларынын арасында бөлүштүрүлөт.

Казакстандын Сирияга гуманитардык жүк жөнөтө тургандыгы 23-24-декабрда Астанада өткөн жолугушуу маалында белгилүү болгон. Сирия бийлиги менен оппозициялык топтордун ортосунда өткөн сүйлөшүү эч кандай жыйынтык берген эмес. Аны Орусия, Түркия жана Иран демилгелеген.

Алты жылга созулган Сириядагы жарандык согуш 400 миңдей адамдын өмүрүн алды, миллиондогон кишилер үйлөрүн таштап кетүүгө аргасыз болушту.