Стив Свердлов

Эл аралык Human Rights Watch (HRW) уюмунун делегациясы узакка созулган тыныгуудан кийин биринчи жолу Өзбекстанга келет. Уюмдун бул өлкөдөгү ишмердүүлүгү 2011-жылы июль айында токтотулган.

Бул маалыматты Хьюман Райтс Вотчтун Борбор Азия боюнча иликтөөчүсү Стив Свердлов тастыктады. Ал Өзбекстанга августта келишерин айтты.

Буга чейин өлкө Human Rights Watch эл аралык укук коргоо уюму менен кызматташуусун жандантууга даяр экенин Өзбекстандын тышкы иштер министри Абдулазиз Камилов билдирген.

“Ага окшогон башка уюмдар дагы келет, кызматташабыз. Бирок алардын келүүсү – Өзбекстан бардык талаптарына же шарттарына макул дегенди билдирбейт”,– деген Камилов.

Өзбек бийлиги 2005-жылы Анжияндагы кандуу окуядан бир нече жыл өткөн соң, HRW уюмунун ишмердүүлүгүн токтоткон.