Кыргыз Республикасынын Президентинин демилгеси менен үстүбүздөгү жыл "Тарых жана маданият жылы" болгондуктан, өлкөбүздө иш-чаралар арбын өтүп жатат. Ошого байланыштуу КР Маданият, маалымат жана туризм министрлиги, КР Социалдык өнүгүү министрлиги, “А.Шерматов” атындагы кайрымдуулук коомдук фонду "Кыргыз ТВ" телеканалы менен биргеликте жыл сайын өтүүчү "Доор таланттары" кароо-сынагын өткөрдү.

Жер-жерлерде өткөн сынакта мен да активдүү катышып, жеңүүчү болгон элем. Жалал-Абад шаарынын Курманбек стадионунда 8-майда өтө турган гала-концертке жеңүүчүлөр катыша турган болгон. Катышуучулар ар бири 5 миң сом взнос, же 300 сомдук билеттен 20дан сатууга аргасыз болдук. Билеттин баасы кымбат болгондугуна байланыштуу, билеттерди  адамдарга  сатууга мүмкүнчүлүгүм болбоду. 

Ошентсе да, өзбек баласынын Манас айтуусуна колдоо көрсөткөн Сузак районунун Ырыс айыл аймагынын башчысы Кадирали Имановдун, "Келечек" ААКнун  президенти Келдибек Тумановдун, "Кыргыз темир жолу Улуттук компаниясы" мамлекеттик ишканасынын түштүк бөлүмүнүн жетекчиси Бахтияр Юнусовдун жардамы менен гала-концертке бара турган болдум.

Бирок, 7-май күнү Курманбек стадионуна репитицияга барсак, мурда катышпагандар дагы концертке катышарын угуп, таң калдым. Чын эле таң кала турган иштер болду. Себеби, аймактык конкурста менин кыска номерим 1579 болуп, эфирге кеткиче, ошол номерге такыр эле SMS билдирүү жибере албай койгонбуз.

Жогорудагы себептерден улам, мен гала-концертке катышуудан жана Бишкекке республикалык конкурска баруудан баш тарттым. Анын ордуна мени колдогон инсандардын берген акчасына "Тарых жана маданият жылына” жаш чыгармачыл калемгерлер салымы" деп 100 даана "Хуроз ови" аттуу аңгеме, ыр, орус, кыргыз, өзбек жана англис тилинде жазылган эсселер жыйнагымы чыгардым. Бул менин экинчи китебим. Биринчиси, Кыргыз эл жомокторун өзбек тилине которгон болчумун.

Саламым менен Абулфайзхон ХАНКЕЛДИЕВ, Сузак районуна караштуу Мубарак Юсупова атындагы орто мектептин 8 - "Г" классынын окуучусу.