Жалал-Абад шаарындагы Курманбек стадионунда КР Маданият, маалымат жана туризм министрлигинин жана Жалал-Абад  шаарындагы “Ай -Бий”  бийчилер тобунун демилгеси менен “Ай-Бий” бийчилер тобуна 10 жыл аталыштагы республикалык бий фестивалы өтүүдө.Бул тууралуу шаардык мэриянын басма сөз кызматы билдирди.

Фестивалга Ош, Чүй, Талас облустарынан жана Кара-Көл шаарынан бий топтору келип катышууда. Ага КР өкмөтүнүн Жалал-Абад облусундагы ыйгарым укуктуу өкүлүнүн орун басары Бактыбек Анаркулов, депуттардын шаардык кеңешинин төрагасы Эрнисбек Ормоков жана КР Маданият, маалымат жана туризм министрлигинен өкүлдөр келип катышты. Депутаттардын шаардык кеңешинин төрагасы Эрнисбек Ормоков “Ай-Бий” бийчилер тобун 10 жылдык маарекеси менен куттуктап, аларга чыгармачылык ийгиликтерди каалады.

- Быйылкы жыл өзүңуздөргө белгилүү болгондой Тарых жана маданият жылы деп белгиленген. Бүгүнкү иш-чара да ушул жылдын урматына өткөрүлүп жатат. Жалал-Абад шаарында Борбордук Азияга белгилүү болгон эки бийчилер тобу бар. Анын бири “Сайма”  бийчилер тобу болсо, экинчиси “Ай-Бий” бийчилер тобу. Алыскы облус, шаарларыбыздан келген бийчилерге да ыраазычылык билдирип, ийгиликтерди кааалайм,- деди Э. Ормоков.