Жалал-Абад шаарында "Газпром" компаниясы тарабынан "Газпром - балдарга" долбоорунун алкагында спорт жана ден-соолукту чыңдоочу комплекстин ачылыш ааземи болуп, ага Жогорку кеңештин төрагасы Дастан Жумабеков баштаган депутаттар тобу жана жергиликтүү бийлик өкүлдөрү катышышты. 

Анда Жалал-Абад шаарынын мэри Мураталы Тагаев шаар тургундарынын атынан "Газпром-Кыргызстан" компаниясына биздин коомубуздун келечеги үчүн эң маанилүү, зарыл "Газпром -балдарга" программасынын алкагында жалалабаддыктарга жасаган ушундай кайталангыс баалуу белеги үчүн ыраазычылык билдирди. Алардын мындан аркы иштерине да ийгиликтерди каалап өттү. 

Эми жаштарыбыз спорттун каалаган түрү менен бардык шарттары бар заманбап жайда машыга алаарын белгиледи.