KELECHEK

Казакстандын беш шаарында «кытай экспансиясына каршы» акциялар өттү

Казакстандын беш шаарында «кытай экспансиясына каршы» акциялар өттү

Казакстандын Жаңыөзөн шаарынын тургундары бир нече күндөн бери өлкөдө 55 кытай заводунун курулушуна жана президент Касым-Жомарт Токаевдин Пекинге пландалган сапарына каршы нааразылык акцияларын өткөрүп жатышат.

Учурда Жаңыөзөн тургундарынын бул талаптарын колдогон нааразылык акциялар Казакстандын бир нече шаарларында өтүп жатат.

3-сентябрда 30га жакын адам «Кытай экспансиясына жол жок» жана «Биз жаңыөзөндүктөрдү колдойбуз» деген ураандар менен Нур-Султандагы өкмөт имаратынын алдына чыгышкан. Анда чогулгандар менен акимчиликтин Коомдук өнүгүү башкармалыгынын жетекчиси Талгат Рахманберди жолугуп, Кытай Казакстанда заводдорду курбай турганын билдирген.

4-сентябрда Алматыда ондогон адам жаңыөзөндүктөргө тилектештик билдирип акция өткөрүштү. Ошол эле күнү Караганды шаарынын борборуна ондон ашык киши нааразылык билдирип чыкты. «Чоңдугу боюнча дүйнөдө экинчи орунда турган кен кытайлыктарга берилди. Мындай инвестициялардан Казакстан, анын ичинде Караганды облусу кандай пайда көрөт? Эмнеге казакстандыктар анда иштей алышпайт? Биз арабдардан кем эмес жашашыбыз керек. Кен байлыктарда биздин дагы үлүшүбүз бар», — деп билдирди Алия Садырбаева аттуу жергиликтүү тургун.

4-сентябрда Чымкент шаарынын мэриясына жаңыөзөндүктөрдү колдогон 30дай киши топтолуп, «Кытай экспансиясына каршылык» билдиришти. Чымкент шаарынан жана Түркстан облусунан келген жарандар өлкө бийлигин сындап, андан кытай долбоорлорунан баш тартууну талап кылышты.

Соңку күндөрү Казакстанда Кытайга каршы маанай күчөдү. Буга Шиңжаңдагы казактардын абалы тууралуу маалыматтар дагы түрткү болууда.

Кытай — Казакстан үчүн төртүнчү ири инвестор жана үчүнчү ири насыя берүүчү болуп эсептелет. Быйыл бул өлкө Казакстанга 2 миллиард 62 миллион юань өлчөмүндө насыя берди. Нур-Султандын Кытайдын алдындагы жалпы карызы 12 миллиард доллардан ашык.

Null

Досторуң менен бөлүш


Коментарии FACEBOOK:

Тектеш жаңылыктар

Бишкектин коомдук транспортторунда электрондук билет системасы...

Бишкектин коомдук транспортторунда электрондук билет системасы...

Бишкек шаарынын муниципалдык коомдук транспортторунда электрондук билет системасы 2020-жылдын январь...

КООМ 2019-10-14  21:02

2024-жылга чейин Орусияда калктын саны мигранттардын эсебинен гана...

2024-жылга чейин Орусияда калктын саны мигранттардын эсебинен гана...

Орусияда кеминде 2023-жылга чейин калктын саны табигый түрдө азаюунун үстүндө болот. Бул тууралуу...

КООМ 2019-10-08  17:24

ШКУ Саммитин өткөрүүгө активдүү катышкандарга мамлекеттик сыйлыктар...

ШКУ Саммитин өткөрүүгө активдүү катышкандарга мамлекеттик сыйлыктар...

«Бишкектеги Шанхай кызматташтык уюмунун Саммити дипломатиялык кызматкерлердин кесипкөйлүгү жана...

КООМ 2019-10-08  13:45

Кыргызстандык юрист БУУнун сыйлыгына татыды

Кыргызстандык юрист БУУнун сыйлыгына татыды

Азизбек Ашуров. Женева, 2-октябрь, 2019-жыл

Жарандыгы жок миңдеген...

КООМ 2019-10-04  16:06

Дастан Бекешев «Бешинчи каналды» сатууну сунуш кылды

Дастан Бекешев «Бешинчи каналды» сатууну сунуш кылды

Жогорку Кеңештин депутаты Дастан Бекешев...

КООМ 2019-10-03  20:17

Милициянын ардагерлери менен жаш кызматкерлер жолугушту (ФОТО)

Милициянын ардагерлери менен жаш кызматкерлер жолугушту (ФОТО)

Кечээ, 1-октябрда Жалал-Абад ОИИБнин жыйындар залында ички иштер органдарында эмгектенип,...

КООМ 2019-10-02  00:46