Ош шаарында Өзгөчө кырдаалдар министрлигинин "Сел жана суу ташкындарынан коргоо" агенттигинин кызматкери Сапар Бакыевди атып кетишти. Аны ким өлтүргөнү азырынча белгисиз.

Шаардык милициянын басма сөз катчысы Замир Сыдыков билдиргендей, сөөгүн 25-декабрда кечинде өзү жашаган Озгур конушунан "Тез жардам" менен алып келишкен.

Маркумду башка атышкан. Ал жашаган үйдөгү сарайдын алдынан уюган кандын изи жана белгисиз октун гильзасы табылган.

Бул факт Кылмыштардын жана жоруктардын бирдиктүү реестрине катталып, иликтөө башталды.

Сапар Бакыев 35 жашта, үй-бүлөлүү, эки уулдун атасы.