KELECHEK
rek

Жыл сайын чет өлкөлөрдө 300гө жакын кыргызстандык кайтыш болууда

Жыл сайын чет өлкөлөрдө 300гө жакын кыргызстандык кайтыш болууда

Чет жакта жашаган кыргызстандыктар арасында каза болгондордун саны жыл сайын 300гө чамалап жатат. Бул тууралуу чет өлкөгө чыгып жаткандардын өмүрүн милдеттүү түрдө камсыздандыруу жөнүндөгү мыйзам долбоорунун негиздемесинде жазылды.

Жогорку Кеңештин депутаты Экмат Байпакпаев иштеп чыккан долбоор 12-майда парламенттин сайтына жарыяланып, коомдук талкууга коюлду.

Негиздемеде Кыргызстанда ар үчүнчү үй-бүлөнүн жок дегенде бир мүчөсү чет өлкөдө бир жылдан кем эмес убакыт иштеп келери, алар көбүнчө өндүрүштүк жаракат алуу коркунучу жогору, айрым учурда өлүмгө дуушар кылган транспорттук тейлөө, курулуш жана оңдоо чөйрөсүндө иштери айтылды.

“Жыл сайын чет өлкөлөрдө 300гө жакын мекендешибиз кайтыш болот. COVID-19 пандемиясынын жайылышы менен каза болгондордун саны өсүүдө, ошондуктан “Жүк-200” маселесин чечүү курч көйгөйгө айланды жана аны болушунча тезирээк чечүү зарыл” деп белгиленди.

Долбоордун автору белгилегендей, 2019-жылы “Жүк-200дү” алып келүү үчүн мамлекеттик бюджеттен 14,4 млн сом сарпталган жана жол киренин кымбатташынан улам жыл сайын көбүрөөк акча талап кылынууда.

“Бюджеттин чыгымын азайтуу жана чет жакка чыгып жаткандарды колдоо үчүн шарт түзүү максатында” иштелип чыккан бул мыйзам кабыл алынса 18 жашка толгон бардык кыргыз жарандары чет өлкөгө чыгар алдында өз өмүрүн жана саламаттыгын камсыздандырууга милдеттендирилет. Камсыздандыруу келишими бир, үч же беш жылга, аны узартуу мүмкүнчүлүгү менен түзүлөт. Төлөм өлчөмү бир жылга 400 сомдон ашпоосу керек, каза болгон учурда камсыздандыруучу кенемте 100-250 миң сомдон кем эмес белгиленет.

Мыйзам долбоорунун автору белгилегендей, “Ошентип, республикалык бюджеттен кошумча акча бөлүү талап кылынбайт”.

Бейрасмий маалымат боюнча, азыр бир миллиондой кыргызстандык чет мамлекеттерде эмгек миграциясында жүрөт, алардын көбү Орусияда. 2018-жылдан тартып өкмөт сырттан “Жүк-200дү” алып келүүгө 50 миң сом бөлүп берүүдө. Орусияда каза болгон мигранттын сөөгүн мекенине алып келүү үчүн 100 миң сом, европалык өлкөлөрдөн, мисалы Германиядан 300 миң сом (болжол менен 3000 евро) талап кылынат.

Null

Досторуң менен бөлүш


Коментарии FACEBOOK:

Тектеш жаңылыктар

Жарандык коом ТИМдин ишин сындады

Жарандык коом ТИМдин ишин сындады

Жарандык коом Кыргызстандын Тышкы иштер министрлиги АКШнын дүйнө өлкөлөрүндөгү адам укугунун абалы...

КООМ 2016-04-27  10:01

Ажылыкка даярдангандар эмдөөдөн өтүп жатат

Ажылыкка даярдангандар эмдөөдөн өтүп жатат

Кыргызстанда ажылыкка аттангандар эмдөөдөн...

КООМ 2016-07-15  18:08

Сузактагы табигый кырсыктан жапа чеккен жарандарга Жалал-Абад...

Сузактагы табигый кырсыктан жапа чеккен жарандарга Жалал-Абад...

Жалал-Абад ОИИБнын өздүк курамынын протоколдук чечиминин негизинде, Сузак районунун Алмалуу-Бак айылында...

КООМ 2016-05-02  23:28

Жалал-Абад облустук журналисттер союзунун төрагасы болуп Руслан...

Жалал-Абад облустук журналисттер союзунун төрагасы болуп Руслан...

Үстүбүздөгү жылдын  30-майында Жалал-Абад облустук журналисттер союзунун кайра шайлоо чогулушу болуп,...

КООМ 2016-05-03  00:53

«Элим-Жерим бир» КБси Жогорку Сотто А. Аскаровдун ишин кайрадан...

«Элим-Жерим бир» КБси Жогорку Сотто А. Аскаровдун ишин кайрадан...

«Элим-Жерим бир» коомдук бирикмесинин мүчөлөрү 2010-жылдагы июнь окуясына күнөөлү деп сот органдары...

КООМ 2016-05-03  01:52

Тажикстанда дин эркиндиги катуу кысымга алынууда

Тажикстанда дин эркиндиги катуу кысымга алынууда

Тажикстан АКШнын Дүйнө өлкөлөрүндөгү дин эркиндиги боюнча комиссиясынын (USCIRF) сынына кабылган 17...

КООМ 2016-05-04  16:00

Казакстан: митингдер адабиятчыларды кабатыр кылууда

Казакстан: митингдер адабиятчыларды кабатыр кылууда

Бир катар акын-жазуучулар Алматыдагы Казакстан Жазуучулар кошуунунун имаратынын алдында жерге...

КООМ 2016-05-04  16:13